Categories
SA Blog

Ons lewe in Saskatchewan

Ons eerste 6 maande in Saskatchewan

Saskatsh… wat, waar bly julle? Ja, eers het ek nie eens geweet van so ‘n provinsie in Kanada nie.

sunset-in-the-snow

Archerwill, Saskatchewan

Op 14 Februarie kom ons by ons nuwe huis aan. Die hele wêreld is spier wit gesneeu. Dit is ook soos altyd, kom donker by die plek aan. Die buite deur kan nie heeltemal oppstoot nie, die sneeu lê te dik op die stoepie.

Ons is gewoond om in aaklige huise te bly en dit met die tyd na iets te laat lyk. Twee kamers, groot kombuis, badkamer en wasgoed kamer. Bo is 4 slaapkamers, ongemebuleerd. Is ook maar goed so, mamma moet nou self skoonmaak.

Terugblik

Ek het in Suid Afrika skool gehou, my man het ń plaas bestuur. Die plaas word in die mark gesit, nou wat nou? Ek is by  ń nagmerrie van ń skool en besluit die kool is die sous nie werd. Waar gaan ek en hy, op dieselfde dorp, so gou as moontlik, saam ń werk kry?

So beland ons in Noord Dakota, soos baie ander Suid-afrikaners. Dit is nie ń groot aanpassing nie want ons het ons voorberei op die slegste. Niks kan nie slegter wees nie, dinge kan net beter gaan, ons is bymekaar, ek op ń besoekers visa en hy kan werk op die plaas.

En ons sien kans om op 58 nog die kans te vat. Vir twee jaar leer ons baie dingetjies van hoe om in die sneeu te bestuur tot by hoe jy jou hoendervlerkies moet bestel dat jou mond nie soos vuur brand nie.

Ek weet ook nou dat daardie mooi Amerikaanse stewels baie mooi lyk maar vrek sleg pas. Die leer is baie hard, jy het baie paarties met danse nodig om hulle in te breek.

Nou moet ons ń ander plek soek

Na twee jaar moet ons eers weer terug na SA om ons visas te hernu. Ek wil graag werk, maar die opsies lyk skraal. Kom ons kyk na Kanada. Ons nader ń agentskap en sy kry vir my man werk in Saskatchewan, Kanada.

Reg in die middel van Kanada, net baie hoër op van Noord Dakota, lê die groot provinsie, Saskatchewan. Ons kom daar aan, blykbaar na ń vreeslike storm. Ag, dankie tog vir klein genadetjies. Dit is Valentynsaand, ons sit by ń vreemde tafel, in ń vreemde huis, in ń vreemde land, en eet gebakte eiers op roosterbrood, sonder sout. Ons het vergeet om dit op ons kruideniers lysie te sit. Ek steek ń half gebrande Yankee kers aan, die vorige Suid Afrikaners het dit gelukkig hier gelos.

Dit is baie koud. Dit is -46 Grade Celcius. As jy buite is en jy asem in, is dit seer. Die huise is gelukkig ingerig vir hierdie weer, sentrale verhitting hou die huis so 23 Grade Celcius dag en nag. Somers klere in die huis en as jy deur die venster kyk is dit hierdie pragtige prentjie van dennebome wat vol sneeu is. Dit is sprokie mooi. 

Die gevriesde dam, wat ons met teekersies in bruin papiersakke versier het, vir ń vriend se verlowing

As jy van die die soort stories hou kan jy gerus saam gesels in die blokkie hieronder. As jy die vogende storie nie wil mis nie kan jy hier klik om die opvolg te kry.